വന്ദേമാതരം..!!

 വർഷങ്ങൾക്കും വർഷാന്തരങ്ങൾക്കുമപ്പുറം കുറെയേറെ മനുഷ്യ ജീവിതങ്ങളുണ്ടായിരുന്നു ഇന്ത്യൻ മണ്ണിൽ. .

ഇന്ന് ഇങ്ങനെയൊക്കെ ഇന്ത്യൻ ജനതക്ക് ആഘോഷിച്ചാറാടാനും പരസ്പരം പോരടിച്ചുമരിക്കാനുമുള്ള സ്വാതന്ത്ര്യം വാങ്ങിക്കൊടുത്ത കുറെയേറെ മനുഷ്യർ. .
അവരനുഭവിച്ച കൊടിയ വേദനകളും ക്രൂരതകളുംപീഡന പരമ്പരകളും. .
അവരും മുറിവേറ്റാൽ ചോരവാർക്കുന്ന മർദ്ദനമുറകളിൽ വേദനകൊണ്ടു പുളയുന്ന സാധാരണ മനുഷ്യജന്മങ്ങൾ തന്നെയായിരുന്നു. ..
പക്ഷേ അവരനുഭവിച്ച വേദനകൾക്കും ദുരിതപീഢകൾക്കും ഇന്നെവിടെ സ്ഥാനം. ?
അതൊക്കെ ഒരുനിമിഷമൊന്നോർക്കാൻ സ്വന്തം രാജ്യത്തോടുണ്ടായിരുന്ന ആത്മാർത്ഥതയുടേയും. . ജാതി മതഭേദമെന്യേ ആ മനസുകളിലുണ്ടായിരുന്ന സാഹോദര്യസ്നേഹത്തിൻറേയും വിലയെന്തെന്നറിയാൻ ഇന്ന് ആർക്ക് എവിടെ സമയം ?
ശരീരത്തിന്റെ ഓരോ ഇഞ്ചും അടിച്ചു ചതച്ച് ദണ്ഡനമുറകളുടേയും ആഴമേറിയ മുറിവുകളുടേയും അകമ്പടിയിൽ പച്ചജീവനോടെ കുരുതികൊടുക്കപ്പെട്ട എത്രയെത്രയോ ആയിരങ്ങൾ പതിനായിരങ്ങൾ. ..
ഓരോ നിമിഷവും എല്ലുതകരുന്ന പ്രാണവേദന സഹിക്കുമ്പോഴും അവരുടെ മനസ്സുകളെ സ്വന്തം സ്വപ്നങ്ങളും മോഹങ്ങളും സ്വാർത്ഥലാഭങ്ങളും പ്രലോഭിപ്പിച്ചില്ല. .
ഇന്ന് നാം ചിന്തിക്കേണ്ടിയിരിക്കുന്നു. . എന്തിനായിരുന്നു അതൊക്കെ. . ?
ആർക്കുവേണ്ടിയായിരുന്നു നമുക്കു വേണ്ടിയോ? 

പണത്തിനും അധികാരത്തിനും ജീവിതസുഖഭോഗങ്ങൾക്കുമായി പരസ്പരം കൊല്ലാനും ചാകാനും ചതിക്കാനും മിടുക്കുകാട്ടുന്ന ഇന്നിൻറ്റെ സമൂഹത്തിനുവേണ്ടിയോ?
അന്ന് ആ മനുഷ്യർ നമുക്കു വേണ്ടി സഹിച്ച കൊടിയ ദുരിതപീഢകളും കടുത്ത ഏകാന്തവാസവും എല്ലാം മറന്നു ഇന്ന് ഈ മണ്ണിൽ കൊടികുത്തി വാഴുന്ന ക്രൂരമനുഷ്യജന്മങ്ങളെ അവരുടെ ആത്മാവുകൾ ശപിക്കാതിരിക്കട്ടെ !

ഇന്നിൻറ്റെ മനുഷ്യരിലെ കൊടുംചതിയും വഞ്ചനയും ക്രൂരതയും കാൺകെ ആ ആത്മാവുകൾ പിടയാതിരിക്കട്ടെ !!

ഇന്ത്യൻ മനുഷ്യകുലത്തിന് ആ രക്തസാക്ഷികളുടെ ആത്മാക്കൾ മാപ്പു തരട്ടെ !!!

വന്ദേമാതരം ..!!