ഗുരുവേ നമ:

അറിവാംഅക്ഷരങ്ങളേ നിങ്ങളെനിക്കന്ന്
കൈപടകൊണ്ട് വരച്ച ചിത്രങ്ങളായിരുന്നില്ലേ…
പേരിട്ടപോലുള്ള വാക്യങ്ങളാക്കി തന്നതിന്നും
മായാത്തെഴുത്ത് പോലുണ്ടെൻ മനസ്സിൽ…!!

അറിവിന്റെ ആദ്യാക്ഷരം തൊട്ടിങ്ങോട്ട് ഇന്നു വരെയുള്ള എന്റെ വളര്‍ച്ചയില്‍ ശാസിച്ചും സ്നേഹിച്ചും തലോടിയും മുന്നോട്ട് നയിച്ചതിന് എല്ലാ പ്രിയ അദ്ധ്യാപകരോടും കടപ്പെട്ടിരിക്കുന്നു…

പഠിപ്പിച്ച് തന്നത് പലതും ഓര്‍മയില്‍ നിന്നു പോയി.. എങ്കിലും മറക്കാത്ത ചില മുഖങ്ങളുണ്ട് പഠിപ്പിച്ചവര്ക്കിടയില്‍..

അറിവിന്റെ ആദ്യാക്ഷരങ്ങള്‍ പറഞ്ഞു തന്ന ആശാന്‍.. അരിയില്‍ 'ദൈവമേ നിനക്ക് സ്തുതി'.. 'ഹരി ശ്രീ ഗണപതായെ നമഹ:' എന്ന് എഴുതി തുടക്കം..

L.P സ്കൂളില്‍ മല്ലന്റെയും മാധേവന്റെയും കഥ പഠിപ്പിച്ച ആലിസ് ടീച്ചര്‍..
കമ്മ്യൂണിസ്റ്റ്‌ കമ്പുകള്‍ കൊണ്ട് കണക്കു പഠിപ്പിച്ച ഏലിയാമ്മ ടീച്ചര്‍..

U.P സ്കൂളില്‍ ചേര്ന്നെപ്പോള്‍ കണക്കു പഠിക്കാന്‍ നല്ലത് ചൂരല്‍ വടികള്‍ ആണ് എന്ന് മനസിലാക്കി തന്ന മോന്സി സര്‍..
ഹിന്ദി ഹമാര രാഷ്ട്ര ഭാഷ ഹെ എന്ന് പറഞ്ഞു തന്ന അംബികാമ്മ ടീച്ചര്‍
പിന്നെ ജയ ടീച്ചര്‍, ജൂബി ടീച്ചര്‍, അച്ചുക്കുട്ടി ടീച്ചര്‍..

S.C സ്കൂളില്‍ ആരോടൊക്കെ നന്ദി പറഞ്ഞാല്‍ മതിയാവും..!!
നൈനാന്‍ സര്‍, എബ്രഹാം മാത്യു സര്‍, രാജമ്മ ടീച്ചര്‍, ഏലിയാമ്മ ടീച്ചര്‍, ജിജി ടീച്ചര്‍ ( Gigi Teacher), അനി ടീച്ചര്‍ ( AniTeacher), മോഹിനി ടീച്ചര്‍ (Mohini Teacher), സൂസമ്മ ടീച്ചര്‍, - പിന്നെ.. മുഖം ഓര്‍മയുള്ള, പേരുകള്‍ ഓര്‍മയില്‍ തെളിയാത്ത മറ്റു ടീച്ചര്‍സ്..!!

പിന്നെ ബാബുച്ചായന്‍ (Babuji).. എനിക്ക് അറിയില്ല ബാബുച്ചാ എന്താണ് പറയണ്ടത് എന്ന്... ഈ ലോകത്തിലെ ഏറ്റവും മഹാനായ അധ്യാപകരില്‍ ഒരാളാണ് താങ്കള്‍.. നന്ദി ഒന്നും വാക്കുകളില്‍ ഒതുങ്ങില്ല.. നന്ദിയെക്കാള്‍ ഉപരി സ്നേഹം ആണ് മനസ്സില്‍.. ഭൂലോകത്തിന്റെ സ്പന്ദനം മാത്സില്‍ ആണോ എന്ന് എനിക്ക് ഇപ്പോളും അറിയില്ല ബാബുച്ചാ.. എങ്കിലും ഇന്ന് എനിക്ക് പറയാന്‍ ഉള്ളത് ഇതാണ് : (a + b)2 = a2 + 2ab + b2

സൂസമ്മ ടീച്ചര്‍ - ടീച്ചര്‍ പറഞ്ഞ ഒരു കാര്യം ഞാന്‍ ഇന്നും ഓര്‍ക്കുന്നു... 9ല്‍ പഠിക്കുമ്പോള്‍ ആണ്.. ഒരിക്കല്‍ ടീച്ചര്‍ പറഞ്ഞു.. "വെളിയില്‍ ലോകം വളരെ വലുതാണ്‌... നിങ്ങള്‍ ഒരിക്കലും രാഷ്ട്രീയക്കാരുടെ കയ്യിലെ ചട്ടുകം ആവരുത്.." ചൈനിസ് വിപ്ലവതെക്കാളും പാനിപ്പട്ട് യുദ്ധതെക്കാളും മനസ്സില്‍ തങ്ങി നില്കുന്നത് ആ വാചകം ആണ്.. “ഇല്ല ടീച്ചര്‍, ഞാന്‍ ഒരിക്കലും ഒരു രാഷ്ട്രീയക്കാരന്റെയും ചട്ടുകം ആയിട്ടില്ല...”

ഓര്‍മ്മകള്‍ എഴുതിയാല്‍ തീരുകയില്ല.. എല്ലാവരോടും നന്ദിയുണ്ട്.. എന്നെ സ്നേഹിച്ചതിന്.. എന്നെ കരുതിയതിനു.. എന്നെ ഞാന്‍ ആക്കിയതിന്..

അധ്യാപക ദിന ആശംസകള്‍...!!